Monday, June 16, 2014

2ng miembros kan Army, gadan kan hipaan kan NPA

PILI, CAMARINES SUR – Duwang miembros kan Bayanihan Team kan Philppine Army an nagadan kan sinda hipaan kan mga pigtutubodan na miembros kan New People’s Army.

An mga nagkagaradan iyo sinda Sgt. Servando R. Bautista asin PFC Daniel Solinap, Jr., miembros kan CMO Company sa 9th Infantry Division.

Nangyari an insidente kasubagong poco mas o menos alas 11:30 sa Purok 4, Sitio Banasan, sa Barangay San Ramon, Daraga, Albay.

Segun sa pahayag ni  Capt. Marjorie Paimela Panesa kan Public Affairs Office kan 9th Infantry Division kan Philippine Army, nakalunad sa duwang motorcyclo an apat na soldados, mantang pabalik sa Camp kan sinda badilon kan mga rebelde.

Nagdurar nin apat na minutos an riribayan nin bala kan mga soldados asin an NPA.

Tulos nagpadara nin mga soldados an Army sa pinangyarihan kan baradilan, alagad an mga rebelde nakadurulag na.

Sabi ni Capt. Panesa, an mga soldados hale sa pagbisita kan pinapagibong proyekto sa barangay Nabasan, Daraga, Albay.

An proyektong ini parte kan Kabuhayan Starter Kit Program kan Department of Labor and Employment (DOLE). – BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...