Thursday, May 8, 2014

Kampanya contra sa droga, pinaisog pa sa Tabaco City

TABACO CITY—Duwang magkasunod na aldaw na naging matrayumpo an kampanya kan mga awtoridad sa ciudad na ini kontra sa droga.
Tabaco City
Kan fecha 6 ngonian na bulan, an pinagsararong fuerza kan PIB Albay, Provincial Police Office, asin an PDEA an nag-implementar kan kasuguan kan jusgado na i-sirve an Search Warrant numero 2014-20, sa paglapas kan Sec 11, Article 2 kan R.A. 9165 (Comprehensive Dangerous Drugs Act) asin firmado ni Judge Alben C. Rabe kan Branch 12 kan Regional Trial Court.

An residencia ni Marlon Mirasol, mayor de edad, na yaon sa P-1 Barangay Poblacion, an linaog kan mga awtoridad, asin durante kan ginibong search, nakua asin pinagconfiscar an minasunod na bagay: walong pidasong plastic sachet na may laog nin maputing crystal na pulbos na pigtutobodan na shabu, sarong plastic tooter; sarong glass tooter, mga lighter, aluminum foil, duwang bamboo stick asin sarong plastic bag.

An gabos na mga na-confiscar na bagay pinagmarkahan sa ginibong imbentaryo sa atubangan kan mga testigong si Romulo Barbacena, taga DOJ; Christopher C. Brutas, representante kan Media; Edgar Ralizan, Cesar Buitizon, asin mga mga barangay officials sa nasambit na ougar,

Mientrastanto, kasoodma, saro pang buy bust operation an ginibo kan mga awtoridad digdi.

Poco mas o menos 7:30 nin bangui, sa P-7 Panal, sa banwaan na ini an mga miembros kan Philippine National Police (PNP) an nag-arestar ki Maribelle Guillermo, 37, soltero, asin taga ciudad kan Legaspi.

Nakua sa saiyang poder an sarong pidasong sachet na may laog nin puting pulbos na pigtutubodan na “shabu”; kantidad P760.00 na cash; asin sarong unit nin Cherry Mobile na cellphone.

An suspechado dinara sa hepatura kan police digdi.—BICOLSTANDARD.COM
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...