Thursday, May 8, 2014

P/SrSupt Golingay, 85ng iba pang PNP Officers, negatibo sa pag gamit nin droga

NAGA CITY–Mayo ni saro kan 86 na mga official kan Philippine National Police digdi sa Camarines Sur, kabala an OIC Provincial Director an para gamit nin droga, base sa pinakabagong “drug test” na ginibo kan Crime Laboratory digdi.

PSSupt Golingay
Photo courtesy of Maria Theresa Laniog Iraola/Radyo Amigo 96.7 FM Iriga
Ini an sinabi ni P/SrSupt Primo Golingay, an Officer in Charge sa PNP Provincial Office sa Camarines Sur, sa pakikipag olay kan BICOL STANDARD ngonian na aga.

Sa press conference, ipinahayag ni Golingay na an gabos na hefe kan police sa mga banwaan, kabale na an mga nakadistino sa PNP Provincial Office an saro-sarong kinuanan nin sample nin ihi para aninawon sa laboratoryo kun igwa nin maheheling nin presencia kan methamphetamine hydrochloride o shabu.

Maogmang nag anunciar sa publiko an OIC PNP Provincial Director na malinaw an evidencia na mayo ni saro sa saindang mga official nag gagamit kan ipipapangalad na bulong.

Mientrastanto, an drug test iyo an primero pa sanang hornada kan magpapadagos na drug tests.
“Nauna lang kaming mga opisyal”, sabi ni Golingay.

Alagad, dae ini nangangahulogan na iyo na ito an ultimong drug test na i-mamanda kan pulis sa saindang mga pagiriba.

Idinugang ni Golingay na ipapadagos ninda an pag conducir nin “drug test” sa mga rank and file officials sa mga masunod na mga aldaw.

“Mayo lang talagang fechang itinatao para sa mga drug test nin huli ta dapat pirme ining surpresa”, sabi pa niya.

Huli kan siring na magayon na informasyon, sinabi ni Golingay na nakakaseguro an saindang mga pig seservehan sa communidad na, basado sa official na record, mayo sindang official sa PNP, na nag gagamit nin drugs, dugang pang pahayag.–BICOLSTANDAD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...