Thursday, May 1, 2014

PDEA linusob an tindahan nin shabu sa Calabanga

CALABANGA, CSur—Mayong hotahot an kampanya kan mga awtoridad kontra sa ipinapangalad na droga na nagkukuriyat nang maray maski sa mga pwerang barangay.


Kasoodma, an pinagsararong grupo kan Regional Office V kan PDEA katuwang an mga miembros kan police sa banwaan na ini, elihidong official kan barangay, asin representante kan media, ipig-sirve an mandamiento de arresto No. 14-057 na firmado ni RTC judge Pedro M. Redona kan Branch 63, sa banwaan na ini.

Pigsirvehan kan search warrant iyo si Darwin Tarala y Parde, taga barangay San Miguel sa banwaan na ini na sinasahotan na nagbalga sa  RA 9165.

An suspechadong si Darwin Tarala alyas “Batman,” nadakop kan mga awtoridad. Afuera saiya, dinakop man kan mga awtoridad si Mark Christian Palomares y Santos, 18 anos, soltero, asin Jeffrey Palomares y Gutierez, 34, soltero, taga barangay San Roque.

Nakonfiskar kan mga awtoridad sa ginibong “search” iyo an duwang pidasong plastic sachet na may laog nin pigtutubodan na shabu; sarong bukas na plastic na may laog man nin pigtutubodan na shabu, sarong pisaran, lighter, gunting asin nagkapirang mga bukas nang plastic sachet na may dikit pang tadang shabu.   

An mga nakuang pig tutubodan na “methamphetamine hydrochloride” (shabu) dinara sa Provincial Crime laboratory Office, sa Concepcion Grande, Naga City.

An nasambit na mga nagkadarakop na persona sasangatan nin caso sa pag lapas sa RA 9165.

Mientrastanto, an lugar na sinakyada kan mga awtoridad iyo man an saro sa mga lugar sa banwaan na ini na nagpapabakal kan ipinagbabawal na droga, sabi sa report.-BICOLSTANDARD.COM

Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...