Wednesday, May 7, 2014

NPA, sinubsoban an mga gamit kan contratista

CAMARINES NORTE –Sinubsoban kan mga nag pabistong miembros kan New People’s Army an mga gamit asin ikipahes kan sarong contratista na dae nagbayad sainda nin revolutionary tax.

Paracale, Camarines Norte
Source: www.wikipedia.org

“Kailangan lang silang magbuwis, matagal nang kinakausap ang naggagawa ng kalsada hindi nagbubuwis," an binutasan na mga tataramon kan mga rebelde, antes naghale pasiring sa direksyon kan sitio Cabactinan, boundary kan banwaan kan Labo asin Paracale, sabi sa report.

An insidente nangyari sa Purok 5, sitio Submakin, Barangay Batobalani, Paracale, kasoodmang hapon.

Sa ipinaluwas na report ni P/Chief Inspector Rommel Labarro, poco mas o menos alas onse nin aga, limang mga lalaki na armado nin mga makukusog na badil an nag abot sa ginigibong Farm to Market Road. An darang armas kan mga rebelde iyo an M16 na may M203 grenade launcher.

Hinahanap ninda an nagpapatrabaho kan patinampo na nabistong si Engr. Johnny Enova.

Kan dae nakaolay si Enova, tulos nang sinulo an 172 na sako nin cement, sarong 10Hp na Engine Motor kan Cement Mixer, sarong dakulang drum, asin an ibang mga gamit inulaan nin gasoline dagos sinabritan asin matuprod kan kalayo.

An cuentada kan mga nadistroso nag-aabot sa P167,000.--BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...