Wednesday, May 7, 2014

Omboy piniripit an liog sagkod magadan kan saiyang magurang

GOA, CAMARINES SUR—Casong “infanticide” o paggadan nin omboy an inaatubang ngonian kan mga mga magurang na sinasahotan na iyong naggadan kan sainda man sanang aki.


Si Jose de los Santos asin an saiyang esposa na si Jocelyn hinahanap kan mga awtoridad ta sinda an ipigtutukdong responsible sa krimen.

Nagluluwas sa ginibong pagsiyasat kan mga pulis na tinuyong ginadan an bagong mamundag na omboy sa paagi kan pagpiripit kan liog kaini asin paghilap kan saiyang mga paa sagkod na mahalean nin hinangos, dagos inapon an bangkay kan gadan.

Si PCI Chito M. Oyardo sa intrevista kan estasyon DWLV nagconfirmar ngonian na aga na nag-aatubang nin reklamo an mag-agom na Jose asin Jocelyn de los Santos, na taga Balaynan, sa banwaan na ini.

An mga firmadong affidavit kan mga testigo nagsasabi na aldaw na nangyari an krimen, nagpabantog suboot an ama kan victima na may makulog an saiyang esposa. Ini suboot dinudugo asin garong gayo makukuanan kan saiyang binabados.

Kinaagahan, nakakua nin bangkay nin sarong bagong mamundag na omboy an mga residentes sa kataraid na harong.

Nagduda an mga nakaheling kan bangkay, kaya hinagad an tabang kan Municipal Health Office tanganing mag conducer nin autopsy para maaraman an dahilan kan kagadanan.

Huli kan mga natipon na evidencia, an mga awtoridad digdi nagsangat nin reklamo, asin an itinutokdong kag gibo iyo man sana an mga magurang kan nasambit na omboy.

Mientrastanto, nagluluwas na an posiblneng guinikanan kan krimen iyo an dae na makayanan na pagduda kan lalaki na an namundag na omboy bako man niyang tunay na laman.

Si Jocelyn, suboot, anom na bulan nagpasweldo sa Manila. Alagad, kan Octobre kan nagkaaging taon nag- oli na ini.

Mayo man lamang nin pagduda an saiyang agom na si Jose mapadapit sa ipinagbabados kan saiyang esposa, afuera sana kan mamundag an sarong omboy na anom (6) na bulan pa sana an nakaagi, poon na sinda magsaro liwat sa saindang pagsasadire.

Nagtutubod an mga nagtetestigo na an labi-labing pagduda ni Jose na bako niyang tunay na laman an namundag na omboy, kaya ini saiyang nabalinghawan.

An mga awtoridad nagdeclarar na isinabit ninda si Jocelyn sa caso huli ta dae man lamang ini nagpaisi sa mga awtoridad kan nangyaring krimen, an pag-gadan kan omboy.

Si PCI Oyardo nagsabi na hinahalat na sana ninda an pagluwas kan mandamiento de aresto contra sa mga suspechado. Hinagad man kan hefe kan pulis sa banwaan na ini an tabang kan mga residentes sa mga pagtaraid na lugar na kun magluwas na an mandamiento de aresto, itukdo an pinagtatagoan kan mag-agom.

An Balaynan sarong pwerang barangay—BICOLSTANDARD.COM
Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...