Friday, May 23, 2014

5 NPA gadan sa pakipag badilan sa Army sa Matnog, Sorsogon

MATNOG, Sorsogon – Limang mga rebelde na miembros kan New People’s Army, kabale an saindang commander na sarong babae  an confirmadong binawian nin buhay sa enkontrada ngonian na alas 5:30 nin aga.

Matnog, Sorsogon

An incidente nangyari sa Sitio Bugtong, Barangay Balokawe, sa banwaan na ini.
Segun sa informasyon na hale ki Gen. Joselito Kakilala kan 903rd Brigade kan Philippine Army, an bakbakan bunga kan pinakusog na ofensiba kan fuerza militar, contra sa nangingisog na mga rebelde.

Sinasabi sa report na an mga soldados kan gobierno yaon sa saindang pag patrolya, kan makasabatan an mga rebelde, na haloy na man nindang pinag susubaybayan.

An mga soldados kan Army na napalaban, hale sa  301st Brigade.

Kabadilan kan 17ng militar an labing 20ng  NPA, na armado man nin makukusog na badil.

Sinasahotan kan AFP na an mga NPA padagos kan saindang paghagad nin revolutionary taxes sa mga namamanwaan, digdi.

An baradilan nag durar nin poco mas o menos 15 minutos.

Nadiskubre kan mga soldados an bangkay kan mga rebelde kan magtiripwasan an nagbaradilan na grupo, asin mag durulag an mga NPA, makalihis an nagkirikiting putok hale sa mga badil kan mag-ibong na lado.
Mayong nagadan sa lado kan mga miembros kan army.

Nakua kan mga sldados hale sa grupo kan mga rebelde an 2ng baby armalite , M203 genade luncher asin M16 armalite rifle.


An mga soldados kan gobierno nagpadagos na maglapag kan mga rebelde, mantang an nasambit na grupo nag aatras sa saindang pag durulag.--BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...