Tuesday, April 22, 2014

Nantutok nin kawatan na badil-badil, sinangatan nin caso

TINAMBAC, CAMARINES SUR—Paglapas sa Codigo Penal kan Pilipinas an asuntong aatubangon ni Jessie Prila kan banwaan na ini huli sa pagtutok nin kawatan na badil-badil na gibo sa plastic na may magazine na an laog na bala, perdigones.

Tinambac, Camarines Sur
Photo: Wikipedia
An incidente nangyari sa barangay La Medalla.

An caso criminal na Direct Assault an isinangat na reklamo contra ki Prila ni Terso Piolino y de los Santos, sarong tanod sa barangay sa barangay na nasambit.

Si Prila na taga Tamban, 24 anyos an edad.

Susog sa pagsiyasat, si Prila grabe an kaburatan kan gibohon an pagtutok sa tanod kan gamit na “badil-badil.”

An tanod, sa ibong na lado yaon sa saiyang trabaho, kan pamporansangan kan suspechado.

An pangyayare ipinaabot sa tulos sa atensyon kan mga awtoridad ni Barangay Kagawad Janet Melgar.

Mientrastanto, marikas an naging pagresponde kan mga awtoridad sa sumbong kan consejal na iyo an naging dalan sa pag-abot kan mga awtoridad.—BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...