Tuesday, April 22, 2014

Lalaki gadan sa 4 na saksak

SAN FERNANDO, CAMARINES SUR—Huli kan mainit na diriskusyonan mantang yaon sa lamesa nin irinuman, sarong lalaki an tinadokan nin apat na saksak, na iyong naging casusa kan saiyang kagadanan.
Si Alex Capin y Sibulo kan barangay Alianza, sa banwaan na ini, susug sa report, kahampang an nagkapirang lalaki sa sarong irinoman kan magbungkaras an diskusyon.

San Fernando, Camarines Sur
Dae naghaloy, inusolan siya nin saksak kan suspechadong si Rogelio Benosa y Regidor, na nagtama sa saiyang lawas.

An incidente nangyari sa laog mismo kan harong ni Vito Carillo sa zona 5 sa barangay na ini.
An imbestigasyon nag sasabi na marikas na nagdulag an suspechado pasiring sa bukid na parte kan barangay.

An mga awtoridad naghahanap pa sagkod ngonian kan kaggibo kan krimen, mantang an victima nakahutad sa St. Peter Funaral Parlor sa barangay Bonifacio digdi.


Si Police Senior Inspector Victor Azuela, an acting chief of police kan San Fernando, an nagsugo man tulos nin mga tawohan para mahanap an responsible sa krimen.—BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...