Thursday, April 24, 2014

Ina, tinadtad taga kan saiyang aki

NABUA, CAMARINES SUR—Mayong herak na tinadtad nin taga an sarong 67 anyos na ina kan saiya man sanang carnal na aki sa barangay Malawag sa banwaan na ini.

Victima sa nasambit na krimen iyo si Norma Daza y Silvano, balo, mantang an suspechado iyo si Ronan Silvano y Daza, 27 anyos, aki kan victima.

Mantang isinusurat an baretang ini, dae pa natutugkad kan mga imbestigastor an rarom kan kaagutang kan aki sa saiyang ina, na iyo an nagtulod sa saiya para magibo kan makangirhat na krimen.

Nagkapirang harararom na taga sa iba-ibang parte kan lawas kan victima an nagcausa kan saiyang tulos na kagadanan.

An suspechado kapot naman ngonian kan mga awtoridad asin yaon na sa hepatura kan Nabua Municipal Police Station.

Si PO1 Garry A. Daza an nagdara kan sucpechado sa municipio kan Nabua.—BICOLSTANDARD.COM


Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...