Wednesday, April 16, 2014

5 gadan kan makabudal an A. Bragais bus sa truck sa Libmanan

LIBMANAN, CAMARINES SUR—Limang persona an gadan kan makabudal an sarong bus sa truck sa sa Maharlika Highway sa barangay Bikal sa banwaan na ini kasubagong aga poco mas o menos alas 4:30 nin aga kasubago.

Embwelto sa aksidente an sarong A. Bragais Liner Truck na hale sa Cubao, Quezon City na pa Tabaco City, asin sarong Isuzu truck na nakagarahe sa gilid kan tinampo.

An mga biktima iyo sinda Alexander Belen kan Bacacay Albay, Arnel Daguyo, Kevin Daguyo, Jason Bonita kan Tabaco, Albay, asin Cindy Garcia.

An mga bangkay kan victima yaon sa Barangay Atienza Homes sa Libmanan.

Naghahalat pa kan resulta kan autopsia kan nasambit na mga victima.

15 pang mga pasahero kan bus, kaiba na an driver na si Joy Bermas y Budica, an inoobserbaran pa sa hospital.

Padagos man an imbestigasyon kan LTO sa mga oras na sinusurat an baretang ini.

Mientrastanto, sa entrevista kan BICOL STANDARD sa sarong pasahero na si Jerson Bonita, tugang kan saro sa mga victima, sinabi kaini na marikas an padalagan kan bus. Ini man pignegaran kan driver kan bus sa entrevista man giraray kan BICOL STANDARD.

Napamata na sana siya suboot na gadan na an tugang niya pakatapos makasalpok an bus sa truck.(Report ni Oscar Esmenda asin Jener Villarez)

READ THIS NEWS IN ENGLISH

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...