Wednesday, April 9, 2014

Doctor na sinahotan nin panlulupig, dakop

CARAMOAN, CSUR—Nahulog na sa kamot kan mga awtoridad an pigcoconsiderar na saro sa mga “most wanted persons” sa provincia nin Palawan sa ginibong operasyon kan pinagsararong fuerza kan Philippine National Police.
Caramoan, Camarines Sur
Si Dr. Ricardo Adalid y Javier, an resident doctor kan Caramoan Municipal Hospital, dinakop na kasoodma sa bisa kan mandamiento de aresto na ipinaluwas ni RTC Judge  Jose Bayani J. Usman kan Ciudad kan Puerto Princesa.

Dinakop an suspechado sa barangay Tawog, sa banwaan na ini.

Si Adalid, nag-aatubang nin casong 3 counts nin rape, sa paglapas nin Art. 266-A sa lindong RA 7610.
Susug sa mga nag-arestar na mga awtoridad, an caso ni Adalalid mayong piansa.

An mga miembros kan pinagsarong grupo na nagdakop sa suspechado hale pa sa CIDT Palawan, CIDT Camarines Sur, asin kairiba man an mga miembros kan San Jose Municipal Police Station sa banwan kan San Jose.

Mientrastanto, sa entrevista ki Police Sr. Inspector Chester Pabuayan Pomar, an hefe kan pulis digdi, saiyang sinabi na si an suspechadong doctor iyo an ika-20 sa pinaghahanap na persona sa provincial kan Palawan na may casong panlulupig.—BICOLSTANDARD.COM


Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...