Thursday, April 3, 2014

May darang droga, nadakop sa Camarines Sur Watersports Complex

PILI, CAMARINES SUR—Huli sa pagbalinghaw sa Camarines Sur Watersports Complex na nasa laog kan compound kan Capitolyo Provincial kan Camarines Sur, si Rey Ernest Neola y Famingo, 20, taga Barangay San Agustin sa banwaan na ini, ipigturn-over sa Pili Police Station para imbestigaran.

Camarines Sur Watersports Complex (CWC)
Camarines Sur Watersports Complex (CWC)
Photo by Ninjakeg, Wikimedia Commons
Si Ricky Cabalquinto y Bayrante asin si Jerry Solares y Pastrasanta, iyo an nagdakop kan ipigreklamong nagpapasaway na si Neola. Si Neola tulos dinara sa hepatura kan pulis.

Sabi sa report, an arestado mantang pig-iimbestigaran, nahulog an pitaka. Kan magkaigwa nin verificasyon, naaraman na ini may laog nin marijuana.

Afuera kan marijuana na yaon sa laog kan sarong silag na plastic sachet, nakua pa sa saiyang poder an disposable lighter asin sadit na pipa.

An mga nagdarakop ki Neola na sinda Cabalquinto asinn Solares, pareho suboot miembro kan Civil Security Unit (CSU) kan gobierno provincial.

An Camarines Sur Watersports Complex (CWC) yaon sa listahan kan mga lugar na pigsisirip kan mga awtoridad na pwedeng paboritong bisitahon kan mga may darang ipinangalad na bulong.

Si Neola sasangatan nin casong paglapas sa RA 9165.—BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Post-fiesta cleanup in Naga City

MASSIVE CLEAN-UP. City Hall employees and other participating agencies and volunteers led the Post-Peñafrancia Clean-up Activity yesterday...