Wednesday, April 30, 2014

Bulan nin mga fiesta, mapoon saaga

Desperas ngonian na aldaw kan pagbukas kan bulan nin mga fiesta sa Camarines Sur.
Simbahan sa Milaor
Retrato: Wikipedia Bicol
Enot kaini an mga fiesta sa mga banwaan kan Milaor asin Lagonoy.

Maski mainit, maharasahas asin tios-tios, padagos an kaorogmahan, baraylehan, karakanan asin irinoman.

An Milaor, saro sa mga pinakasadit na munisipyo sa Camarines Sur, pero saro man sa mga pinakaharani sa Naga. An patron kaini si St. Joseph the worker. Sa fiesta sa banwaan na ini ngonian na taon, may 17ng piniling outstanding achievers an banwaan sa pangenot ni Mayor Rogelio Flores.

An Lagonoy, saro sa mga pinakadakulang banwaan sa land area, konsideradong mayaman sa recursos naturales. An patron, sinda Saints Philip and James. Digdi sa banwaan na ini, igwa nin Samhod Festival. Ini, iyo ta segun ki Mayor Delfin Pilapil, Jr., an mga samhod na famoso sa Baguio asin Metro Manila, gibo sa banwaan na ini.

Masunod na an fiesta sa Nabua sa fecha 2, Minalabac, fecha 3, Caramoan asin Pamplona, fecha 8.

Segun sa istorya, nagpoon an fiesta sa Pilipinas bilang pagpapasalamat sa Diyos asin mga santos sa marhay na ani.—Report ni EGV/BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...