Thursday, March 13, 2014

Vulca Seal, gamit na kan mga adik en ves kan rugby

DAET, CNorte—Bako nang rugby an paboritong gamiton na “solvent” kan mga aki sa tinampo sa banwaan na ini,  kundi an Vulca Seal, sarong pansulat sa mga labot na atop asin bubong.

Retrato ini kan mga aki na nagsasarama sa sarong lata nin Vulca Seal sa Camarines Norte. Ini na an saindang paboritong gamiton ngonian en ves kan rugby na dipisil nindang mabakal.  (Retrato: Francis Elevado/DWFB)
Ini an obserbasyon mapadapit sa sinasabing marikas na paglakop kan pag-usar kan bagong paboritong “solvent” na pigsasarama-samaan kan mga aki, an kadaklan dae pa ngani doce an edad.

Apisar kan nagkakanayap nang problema, an mga awtoridad dae pa lamang nagmamangno, asin an mga magurang, haros mayong ginigibo para maampat sa bagong klaseng nagbubungkaras na problema.

An Vulca Seal hale sa lata, ilinalaog man giraray sa plastic, asin digdi pigpaparong kan mga nag-uusar kaini.

Mientrastanto, sa sarong lugar digdi, namamasdan na an mga lalaw na mga aki, isinasaray sa sarong imburnal an tada na laog kan Vulca Seal, para magamit liwat sa masunod na aldaw.

An Municipal Social Welfare Office (MWSO) pigtutubodan na dae pa nakakamalesya kan bagong problema, na pwedeng mag-orog pa, huli kan nagiging popular nang gamiton kan mga kaakian an nasambit na solvent. (Report hale ki Francis Elevado/DWFB)

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Pulis kan Irosin, binadil sa payo, gadan

LEGAZPI CITY (Bicol Standard) -- Nagpahayag nin makusog na pag kondinar an mga miembros kan Philippine National Police (PNP) sa Sorsogon...