Thursday, March 13, 2014

Alyas “Bulilit” dakop sa droga

SAN FERNANDO, CSUR– Nahulog sa kamot kan mga awtoridad kasuodma an suspehadong pusikit na parapabakal nin droga sa Barangay Planza, sa banwaan na ini.

San Fernando, Camarines Sur
Sa ginibong buy bust operation kan pulis, nasiod si Wilfredo Ramirez y Abarca, a.k.a “Bulilit”, 39, residente kan Barangay Del Rosario, Pamplona.

Nakua sa saiyang poder sa buy bust operation an 2ng plastic sachet na may laog nin pigtutubodan na methamphetamine hydrochloride (shabu), 2ng pidaso nin marked money na P500.00; 11ng pidaso nin P100.00; asin  1ng pidasong P20.00.

Nakua pa sa saiya an sarong unit na Nokia cellphone, 1ng Honda motorcycle na kolor pula asin may plakang 5979 EQ.

An nakuang pigtutubodan na shabu ipinadara sa PNP Crime Laboratory para segurohon kun shabu mananggad an nakua sa saiya.

Sinangatan nang reklamo an dinakop na persona sa paglapas sa  RA 9165 kan San Fernando PNP.

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...