Tuesday, March 25, 2014

NPA lider sa Albay, dinakop

GUINOBATAN, ALBAY—Nahulog na sa kamot kan mga awtoridad an sarong halangkaw na ofisyal kan rebeldeng New People’s Army (NPA) sa pinagsararong fuerza kan Philippine Army asin Philippine National Police.

AFP
Si Cenon Oxales, miembro suboot kan Provincial Committee sa Albay kan NPA, nagsirve bilang medical officer.

Haloy nang hinahanap kan mga awtoridad si Oxales huli sa kasong robbery in band. Mayong ipigrekomendar na piansa an jusgado sa kasong ini.

Afuera digdi, si Oxales nasahotan pa na imbuelto sa pagsakyada kan Pio Duran Municipal Police Station kan Septiembre 18, 1992.

Mientrastanto, orog pang pinagkusog kan mga soldados kan gobierno an saindang pagbantay, dahil sa nagdadangadang na pagcelebrar kan anibersaryo kan NPA sa fecha 29 ngonian na bulan.

Linalaoman na malansar nin pag-aatake an rebeldeng grupo, bako lang bilang parte kan saindang pagrukyaw kan anibersaryo, kundi pagbalos sa pagdakop ki Benito Tiamson, na pigtutubodan na CPP chairman sa nasyon, kan sarong aldaw.

Si Oxales dinakop sa barangay San Rafael, sa banwaan na ini.

An suspechadong rebelde taga-sitio Revolution, barangay Inamnam Grande.—BICOLSTANDARD.COM

Share:

Featured Post

Quack dentist arrested in Naga City

Photo courtesy of Dr. Albeus NAGA CITY (Bicol Standard) – A person believed to be a quack dentist was arrested by authorities as he was...