Wednesday, March 26, 2014

6, dakop sa drug raid sa Naga

NAGA CITY—Anom na suspechado sa paggamit nin droga an dinakop poco mas o menos alas 7 kasubanggi sa barangay Balatas sa ciudad na ini.

Balatas, Naga City
Binisto an mga suspechado na sinda Mark Anthony Melgar y Loles, 18, asin residente kan Zone 7, Balatas; Jojo Caneso y Nayve, 30, kan Zone 7, Avocado St., Michael Rolloque y Caneso, 19, kan Zone 7, Balatas; Jose Borromeo y Celesial, 52, kan Zone 7, Balatas; Christian Caneso y Nayve, 34, kan Urban Poor, Pacol; asin Christian Blanquera y Orince, 32, kan Zone 7, Balatas.

Sinda dinakop sa pinagsarong fuerza kan Naga City Police Office asin SWAT.

Nagconducir nin raid an nasambit na grupo sa sarong pinagtutubudan na drug den sa Zone 7, Avocado St. sa Balatas.

Mayong nakuang illegal drugs sa raid, alagad pig-confiscar an mga minasunod: sarong digital weighing scale, sarong mayong laog na plastic sachet.

Mientrastanto, sa residencia ni Jojo Caneso y Nayve, na pinag-raid man kan mga autoridad, nakua an 30ng pedaso nin heat-sealed na plastic na igwang laog kan kemikal na pinagtutubudan na shabu; sarong improvised tooter, sarong disposable lighter, sarong gamit nang pedaso nin aluminum foil na igwa man kan kemikal na pinagtutubudan na shabu; asin nagkapirang wallet na may laog nin kwarta.

An mga pinagconfiscar na mga bagay na ini ipapadara sa Camarines Sur Provincial Crime Laboratory Office tanganing imbestigaran, mantang pigpepreparar naman an mga reklamo kontra sa mga suspechado.—BICOLSTANDARD.COM

Related:

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...