Monday, March 3, 2014

Hinabonan na manok, narescue kan magturaok

SAN FERNANDO, CAMARINES SURHuli sa padagos na pagkuriyat kan wala-toong tupada, naging uso na man ngonian an harabonan nin pambulang na manok.

Hinabonan na manok, narescue ta nagturaok
Si Joel Bolo y Renbales, 34, may agom, taga-Riverside, Tabuco, Naga City, an dinakop kan mga awtoridad kan makua sa saiyang poder an sarong hinabonan na pambulang na manok.

An manok na pambulang tinago sa laog kan backpack na saklay ni Bolo.

Segun sa imbestigasyon, nareparo kan mga awtoridad an suspechado na iba an hiro-hiro kaya siya dinulok.

Sabi sa report, mantang naglalakaw parane an mga awtoridad sa suspechado, biglang nagturaok an manok sa laog kan backpack.

Nag-ansyas na magkutipas an suspect kaya siya dinakop.

Orog pang nagpaheling nin ibang hiro-hiro si Bolo, na garong nagtatakig an ngabil.

Sa pagsiyasat, nagluwas na an pambulang na manok inikit palan sa may sadire kaini na taga-Sitio Gogon, barangay Bonifacio, sa banwaan na ini.

An kagsadire kan manok iyo si Aaron Tolentino.

Sabi sa bareta na pig-eestira na kuta an pulang pambulang para sa ulotan, kan ini habason saiya.

An casong theft o paghabas an isinangat na sa jusgado, asin igwang rekomendadong piansa na P12,000.00 para sa temporaryong libertad.

Mantang dae pa nakakapiansa, duman dadarahon si Bolo sa Tinangis Penal Farm, sa Tinangis, Pili.

Related:
Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Bicol employers reminded to give 13th month pay on time

LEGAZPI CITY - The Department of Labor and Employment (DOLE) RO V reminded employers to pay the 13th month pay of their workers on time a...