Sunday, March 2, 2014

Lalaki, sinaksak gadan mantang pigroromdom an death anniversary kan esposa

OCAMPO, CAMARINES SURDai naghona an sarong lalaki na an saiyang pagromdom sa death anniversary kan saiyang agom maresulta sa sadiri niya man na kagadanan.

Ocampo, Camarines Sur
Ocampo, Camarines Sur
An victima na si Simplicio Ranuco y Brinosa, 46, asin residente kan banwaan na ini, nag-iinom kaibanan an saiyang amigo sa saiyang residencia bilang pagcomemorar kan nasambit na ocasion kan magkaigwa siya nin dai-pagkakaintindihan sa sarong nagngangarang Jayson Sarmiento Y Añonuevo, 19, asin residente kan parehong lugar.

Dai man suboot kuta pig-intinding marhay ni Sarmiento an saindang iwal ni Ranuco. Alagad, nakubanan na lang si Ranuco kan mag-abot an amigo ni Sarmiento na si William Napay, sarong taga-Barangay Tinangis, Pili, Camarines Sur, asin pagsasaksakon an victima sa tulak. Tulos man ining duminulag pakatapos.

Mientrastanto, pigprobaran pang idalagan an victima sa ospital, alagad ini binawian na nin buhay bago pa man matawan nin asistencia medical.

An Ocampo Municipal Police Station nagpepreparar na sa presente na sunadan nin reklamong murder an suspek.

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Post-fiesta cleanup in Naga City

MASSIVE CLEAN-UP. City Hall employees and other participating agencies and volunteers led the Post-Peñafrancia Clean-up Activity yesterday...