Saturday, March 15, 2014

5ng parasira, pinarakpatakan, 1 gadan

LAGONOY, CSur—Dae naghuna an limang magkairibahan na mga pandaw sa palakaya na sinda tatamaan nin makusog na parakpatak kasoodma, mantang yaon sa lawod kan dagat, sa tungod kan barangay Cabotonan, sa banwaan na ini.

Kikilat
Source
Poco mas o menos alas 3:00 kasoodmang hapon kan bigla na sanang magbulos an makusog na uran na may kaibahan na pagdadagoldol na sinusundan nin pagkurit kan kikilat. Ini an nagdara nin peligro sa mga parasira, na nagresulta sa kagadanan kan sarong kaibahan ninda.

Sa report kan pulis, sarong 13 anyos na kaibahan sa paghanap nin gipaw an tulos nakuryente kan kikilat, mantang an apat na ibang pang kairibahan, haros madismayo kan kusog kan kuryente.
Afuera kan 13 anyos na victima, nagsapo nin paso sa saindang lawas sinda Jeantly Buhayo, 32, may agom; Ronaldo Barciles, 41, soltero; Jimboy Buhayo, 29, may agom; asin saro pang 10 anyos an edad, na nag-iba man sa paghanap nin sira.

Tulos dinara an ibang victima sa Partido District Hospital sa banwaan kan San Jose tanganing ipabulong.  Alagad, huli sa darakulang liptok na saindang sinapo, idinalgan man guiraray an mga vitima sa Bicol Medical Center sa Naga City para matawan nin atensyon medical.

More Bicol news
More Camarines Sur news

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Bicol employers reminded to give 13th month pay on time

LEGAZPI CITY - The Department of Labor and Employment (DOLE) RO V reminded employers to pay the 13th month pay of their workers on time a...