Thursday, March 20, 2014

Libmanan SB, ginapos an poder ni Mayor Jimenez

Libmanan,CSur–Por medio kan pagbasura kan 2014 budget kan banwaan na ini, linalaoman na masufrir na entero an servicio sa mga tao.

Mayor Marilyn Jimenez
Photo: LGU Libmanan
An desisyon kan mayoriyang miembro kan Sangguniang Bayan na dai aprobaran an budget mangangahulugan na mayo ni sarong proyekto an pwedeng maimplementar.

Si Alkalde Marilyn Jimenez, naghagad na nin opinion sa Department of Budget and Management Regional Office sa Ciudad kan Legaspi, kan fecha 20 kan Febrero, ngonian na taon, para linawon kun ano sana an pwedeng gastoson na kwarta sa lindong kan inaapod na “re-enacted budget.”

An opinion ni Maria Angelita C. Celis, Director III, Officer-in-Charge kan DBM sa Bikol, saiyang pinagklaro na sa Sec. 323 kan Local Government Code of 1991, kun re-enacted an budget, arog kan sa Libmanan, an pwedeng sanang gastosan kan local na gobierno iyo an salaries and wages kan existidong posisyon, statutory asin contractual obligations asin an inaapod na essential operating expenses, na inaprobaran sa annual asin supplemental budget kan nagtalikod na taon.

Para mas malinaw, ano an inaapod na essential operating expenses?

An sabi kan DBM, ini an Maintenance and Other Operating Expenses (MOOE) asin bakong services.

Mientrastanto, sa nasambit na giya, an pwedeng consideraron na essential sa MOOE items, iyo an minasunod: gasolina, oil and lubricants expenses, gastos sa kuryente asin sa tubig, postage asin deliveries expenses (landline), repair asin maintenance kan mga vehiculo, insurance kan motor vehicles asin public buildings, asin an babakalon na accounting forms.

Sa 2013 budget kan Libmanan, igwa nin 19ng nakalista sa MOOE.

An dae pwedeng gastosan, dahil re-enacted an budget ninda, iyo an minasunod: travelling expenses, training expenses, Internet expenses, office supplies expenses, other supplies expenses, bayad sa scholarship,  representation allowance and transportation allowance (RATA), donations–AICS  o ayuda sa may mga helang, subsidy sa Day Care kan LGU, asin advertising expenses.

An gabos na ayuda kan gobierno municipal sa mga barangay, dae pwedeng paluwasan nin cuarta kan municipio.

An gabos na proyekto sa infrastructora,  an 20% economic development fund, dae pwedeng gastoson, sa rason na bawal ini kun re-enacted an budget.—BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...