Thursday, March 20, 2014

Isipon, Osipon: An graduation march sa Pilipinas

Aram daw nindo na an nadadangog nindong marcha sa graduation digdi sa Pilipinas, may titulong “Triumphal March?”
An libreto kan stage play na Aida
An musicang ini kinomposo ni Guiseppi Verdi, sarong Italiano. Enot na ginamit an tugtog sa stage play na may titulong Aida kaidtong 1871.

An istorya kaini, iyo an manungod ki Aida, sarong prinsesa kan nasyon kan Ethiopia. Si Aida dinakop kan mga soldados kan Ehipto, asin ginibong oripon.

Sosog sa istorya, an military commander kan Ehipto na si Radames namoot ki Aida.

Alagad, kaipuhan niyang mamili: pagkamoot ki Aida o pagkamoot sa saiyang hade. Dai naibitaran an pag-iwal kan Ethiopia asin kan Ehipto. Sa huring parte, gana an Ehipto sa giyera.

Bilang premio, sinabihan si Radames kan hade na an ano man na saiyang gustuhon, itatao saiya huli sa kapangganahan.

Sa parteng ini kan stage play na “Aida” pigtogtog an Triumphal March.

Hasta sa presente, an stage play na "Aida" ginigibo pa sa ibang parte kan kinaban.—BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Pulis kan Irosin, binadil sa payo, gadan

LEGAZPI CITY (Bicol Standard) -- Nagpahayag nin makusog na pag kondinar an mga miembros kan Philippine National Police (PNP) sa Sorsogon...