Wednesday, March 26, 2014

2, hinold-up sa Donsol

DONSOL, SORSOGON—Duwang empleyado kan kompaniya na nagpapautang an pig-holdup kan duwang dai pa nabibistong mga persona sa bawaan na ini bandang alas 10:49 nin aga kan sarong aldaw.

An mga victima iyo sinda Jovelyn Jardinel y Sernal, 29, asin Nadia Remelio y Apitan, 26.

Si Jardinel iyo an loan officer kan ASA Philippines Foundation na may oficina sa Brgy. Dao, Pilar, Sorsogon asin South Centro, Brgy. Sta. Cruz, Sipocot, Camarines Sur. Mientrastanto, si Remelio saro man na member kan nasambit nang kompaniya.

Sinabi sa report na an mga victima nakasakay sa saindang Honda Wave 100 motorcycle. Pag-abot sa Brgy. Tinanongan kan banwaan na ini, sinda pinundo kan duwang suspechado, na armado nin sarong badil asin patarom. Tulos nagdeklarar nin holdup an mga suspechado, asin dali-daling inagaw an backpack kan saro sa mga victima.

Nasa laog kan bag iyo an Loan Officer Registry (LOR), nagkapirang form asin passbook, withdrawal slip, calculator, cellphone, asin kwarta na may kantidad P8,600.

Sa presente, pinaghahanap pa kan mga autoridad an mga kagibo kan crimen.—BICOLSTANDARD.COM

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Pulis kan Irosin, binadil sa payo, gadan

LEGAZPI CITY (Bicol Standard) -- Nagpahayag nin makusog na pag kondinar an mga miembros kan Philippine National Police (PNP) sa Sorsogon...