Tuesday, March 25, 2014

Casureco II refund: mga kahapotan asin kasimbagan

Pigtawan-linaw ngonian na aga kan Casureco II an nagkapirang mga kahapotan manungod sa refund sa mga miembros-consumidores kaini.

Casureco II
Photo: Bicol Standard
Q: Tano ta magkakaigwa nin refund an Casureco Dos?
A: Nagpaluwas kaya an Energy Regulatory Commission nin Kasuguan No. 2014-021 MC na nagiinvalido sa mga presyo kan WESM para sa peryidong October 26 – December 25, 2013. Pigsaranglean an mga mahal na presyo kan WESM kaya may irerefund sa Casureco Dos para sa duwang bulan na consumo.

Q: Gurano an refund na i-implementar kan Casureco Dos?
A: Maabot sa Php 10.9725/kwh an refund para sa duwang bulan na rekalkulasyon. Php 6.0094/kwh para sa December billing asin Php 4.9631/kwh para sa January billing.

Q: Nuarin iimplementar an refund?
A: Naghahalat pa an Casureco Dos kan opisyal na sugo kan ERC kun pano irerefund an adjustment na ini. (kung sa sarong bulan lang icrecredito o uutay-utayon)

Q: Kun sa kwarta, gurano man an abuton kan refund na Php 10.9725/kwh?
A: Kun 100 kilowatt hour lang an konsumo sa sarong bulan, makaka-anticipar an consumidor nin Php 1,097.25 na refund sa saiyang bayadan.

Q: Mapaluwas nin actual na kuwarta an Casureco Dos sa refund o i-crecredito sa bill?
A: I-crecredito sa bill kan consumidor an refund. Kun may bayadan ka pa mababawas na an refund sa morosong ini. Kun mayo ka man outstanding na balanse sa Casuredo Dos, itretreat ini na advance payment na icrecredito sa future bills.

Q: Pano si mga nagbayad kan bill ninda kan December 2013 asin January 2014 sa rate na Php 8.4246/kwh na mandato kan korte?
A: Mayo po ma-aanticipar na refund an nagbayad sa tarifa na Php 8.4246/kwh. May sisingilon pa an cooperativa na maabot Php 2.1278/kwh kun sakaling paborable an appeal kan Casureco Dos sa kaso.

Q: Kun sa kwarta, gurano man an abuton kan recovery sa mga nagbayad sa tarifa na Php 8.4246/kwh?
A: Kun 100 kilowatt hour lang an konsumo sa sarong bulan, sisingilon kan Casureco Dos nin Php 212.78 sa saiyang babayadan.—BICOLSTANDARD.COM

RELATED STORY:
Casureco II ready to refund member-consumers


Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Legazpi to build housing units for city's poorest families

Rosal By Emmanuel Solis LEGAZPI CITY -- Local officials here are fine-tuning all documents for the construction of a housing project ...