Thursday, March 13, 2014

Pitong wanted, arestado sa laog nin sarong aldaw

CAMARINES SURPitong persona na igwa nin mandamiento de arresto an dinakop sa laog nin saro sanang aldaw sa provinciang ini.

PNP Provincial Director PSSupt. Ramiro Bausa
An pagkaka-aresto bunga kan pinakusog na kampanya kontra sa kriminalidad na pinapamayuhan ni PNP Provincial Director PSSupt. Ramiro Bausa.

Sa Tinambac, dinakop si Joey Barquilla y Sabas, 30, may-agom. Siya nag-aatubang nin reklamong attempted rape.

Sa Ocampo, arestado man si Benjie Zamora y Sesgundo, 26 anyos, asin an nag-aatubang nin reklamong attemped homicide.

Mientrastanto, sa Calabanga, na-aprehender sinda Robin Villanueva y Arellano asin Jason Villanueva y Arellano, sa kasong panhabon.

Si Sixto Balmores y Sales, alias Ontoy, kan Sagñay, na may reklamong serious physical injuries, nahulog man sa kamot kan mga awtoridad.

Sa San Fernando, rinamalan kan pulis an 58 anyos na negocianteng si Rolando Peoro y Coros sa kasong palbaga kan BP 22.

Sa Minalabac, nahulog naman sa kamot kan mga autoridad si Charrie Ann Quinano y Penetrante, sa kasong slander by deed asin grave oral defamation.

Sa Bato, pinonpon kan mga pulis si Jose Carlos Pega y Ay-Ad alyas JC sa pagbalgar kan duwang ordinansa kan ciudad kan Iriga.

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...