Thursday, March 13, 2014

60K sa makatukdo kan paragadan sa San Vicente, CNorte

SAN VICENTE, CNORTE— Ginibo nang P60,000 an premyo sa sisay man na makakatukdo sa duwang suspechado sa paggadan kan mag agom na negosyante sa banwaan na ini.

Camarines Norte
Enot digdi, si Alcalde Francis Ong nag ofrecir nin kantidad P10,000 na premyo sa sisay man na makakasabi kan kinakamogtakan kan mga suspechado na sinda Romnick Iglesia, 25 anyos, soltero, taga Purok 2 Kabrahan, Jovellar, Albay, asin Jonel Dasig, 24 anyos na taga Goa, Camarines Sur.

Naging P60,000 an kabilogan na kantidad, kan dugangan nin P50,000 si Gob. Edgardo Tallado, na nagpahayag man kan saiyang pakikisumaro sa pagdakop kan mga responsible sa krimen.

Maroromdoman na pigparatigbas sagkod na magadan si Romeo Liwag, 59 anyos, mantang an saiyang agom na si Racquel, 57, residente kan Brgy. Sto. Domingo, Vinzons, Camarines Norte, asin sinulong buhay sa saindang residencia kan Pebrero 23, 2014.

Mientrastanto, sagkod sa presente, pig hahanap pa guiraray kan mga pulis an duwang suspechado.

Segun sa pahayag ni P/Insp. Antonio Perez kan banwaan na ini, pinahiwas na ninda an operasyon tanganing madakop an mga suspechado.

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

EDITORIAL | Restore faith in the electoral process

After the Penafrancia fiesta, the political fever for the 2019 elections has started to set in. Conversations left and right are abou...