Thursday, March 20, 2014

Mahabas sa tindahan, naglalakop sa Albay

ALBAY—Mas marigmat na mga mata o pagbogtak nin mga CCTV camera an naheheling na solusyon tanganing maebitaran an masunod na hornada nin harabasan sa mga tindahan didgi.
Ngonian sanang nakaaging pirang aldaw, nakalista sa record kan pulis na apat na tindahan an hinarabasan nin sari-saring efectos arog kan sapatos, T-shirt, shampoo, asin de lata.

PNP
Sa market site sa Daraga, si Myrna Derilo y Reynoso, 55, iyo an suspechado sa paghabas nin sarong padis nin sapatos na kantidad P650, sa paagi kan pagtago kaini sa irarom kan saiyang blusa.
Sa Save More Convenience Store sa Barangay Oro, Legazpi City, ipigreklamo si Erigen de Alagdon y Villanueva, 22, sa suboot pagkua niya kan sarong bote nin shampoo na may presyong P186.75. Siya na-aprehender mismo kan security guard.

Sa Jun-Zons Commercial sa Bay-bay, Legazpi City, si Jovet Paginon y Dagondon, 24, dinakop sa pag-ikit nin duwang pedasong T-shirt na kantidad P268 asin P280.

Mientrastanto, sa Divine Cheng Disco Club sa Barangay Bogtong, Legazpi City, sarong security guard an inaresto sa acto na paghabas nin tolong de latang mais, asin duwang de latang mushroom.
Nanotaran kan mga autoridad na lakop na ngonian an insidente nin paghabas sa mga tindahan, orog na sa mga lugar na suru-suan an mga tao.

Huli kan bagay na ini, nagpatanid an pulis na dapat magbogtak nin parabantay para ma-alaw an siisay man na igwa nin intensyon na magkua nin ano man na bagay na bako man ninda.

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...