Thursday, February 20, 2014

5ng wanted sa CamSur, arestado

Dai naging matrayumpo an pagtago-tago kan limang mga suspechado na kabali sa listahan kan mga pinaghahanap sa provincia nin Camarines Sur.

Sa banwaan nin Pasacao dinakop si Gerry Agrado, residente kan Barangay Suha, Camaligan, kasoodmang alas 12:05ng matanga.

Si Agrado, sa report kan pulis, igwa nin mandamiento de arresto sa pagbalgar sa Republic Act 9165, o an Comprehensive Dangerous Drugs Act of 2002.

Sa Sipocot, arestado man si Eduardo Marbella, taga South Centro, Sipocot, kasoodmang aga, sa paglapas sa sarong municipal ordinance.

Mientrastanto, sa ciudad nin Iriga, dinakop sinda Rolly Guevarra asin Jade Russel Cabanero, mga suspechado sa pagbalgar nin city ordinance.

Saro pang nadakop sa nasambit na ciudad iyo si Jade Russel Cabanero, na igwa man nin mandamiento de arresto sa pagbalgar kan ley manungod sa ilegal na droga.

An mga suspechado haloy nang nagtarago-tago alad ngonian sana nabotbotan kan mga autoridad an saindang mga kaso, huli kan pursidigong kaisipan ni PNP Regional Director Victor Deona na panimbagon sinda sa ley.

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

PHOTO | Anti-Duterte, Marcos protest march in Naga City

Around 60 anti-Duterte rallysists marched in Naga City on the anniversary of the declaration of Martial Law (September 21) to show the...