Friday, February 21, 2014

Ukraine, maconducir nin presidential election bago mag Disyembre

Nagka-oroyon na an presidente kan Ukraine na si Viktor Yanukovych asin an mga taga-oposisyon na nagpoprotesta na mag-conducir nin amay na election bago magtapos an taon na ini.

An nagdadangadang na pirilian parte kan saindang orolay na tapuson na an problemang political na inaatubang kan saindang nasyon duman sa Europa.

An pagka-oroyon resulta kan pirang oras na dialogo kan Presidente asin kan oposisyon kasubago.

Mantang dai pa oficial na naipupublicar an kasunduan, ini ipigluwas na kan TV station na ICTV sa Ukraine, na nakakua suboot nin kopya kaini.

Kabali sa mga nakasurat sa kasunduan iyo na an konstitusyon kan 2004 gigibuhon giraray na epektibo sa laog nin 48 oras.

Sarong pinag-aapod man na national unity government an ilalanzar sa laog nin 10ng aldaw.

Dugang pa digdi, tulos na poponan an pagbabago sa konstitusyon na nagbabalanse kan mga poder kan presidente, gobierno asin parliamento.

Sarong election man na mapili nin bagong presidente man gigibuhon bago mag-abot an bulan na Disyembre.

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Legazpi to build housing units for city's poorest families

Rosal By Emmanuel Solis LEGAZPI CITY -- Local officials here are fine-tuning all documents for the construction of a housing project ...