Wednesday, February 19, 2014

Tipdas sa Minalabac, padagos naglalakop?

MINALABAC, CSUR— Pigconfirmar ni Dr. Renabeth Vera, an Municipal Health Office (MHO) sa banwaan na ini, na naggigibo sinda nin lagdoan na pagbakuna kan mga kaakian tanganing maampat an paglakop kan tipdas digdi.

Sinabi ni Dra. Vera na sa barangay Baliuag Viejo, an enot na lugar na nagbungkaras an nasambit na problema, nagkaigwa na sinda nin “house to house” na pagbakuna.

Afuera kan nasambit na lugar, confirmado man kan MHO an incidente nin tipdas sa Hobo, mantang saro man na magurang na taga Bagolatao an nagsabi na igwa man nin siring na problema sainda.

Ngonian na aldaw, an doctor nagpahayag na madisponir sinda nin dugang pang vaccines hale sa Provincial Health Office kan Camarines Sur.

Sa enot na informasyon, naaraman na dae pa nag aabot an supply kan nasambit na vaccine hale sa Community Health Team (CHT) sa regional office kan Department of Health.

Mientrastanto, an MHO digdi inavisohan kan DOH na magkua nin sample nin dugo hale sa igwa kan nasambit na helang tanganing ipadara duman sa Research Institute for Tropical Medicine sa Manila.

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

9th Infantry Division appeals to candidates not to support rebels

Pramis NAGA CITY (Bicol Standard) – The 9th Infantry Division of the Philippine Army called upon aspirants in the forthcoming local e...