Thursday, February 27, 2014

Lalakeng armado nin dai lisensyadong badil, dakop sa videoke bar

TINAMBAC, CAMARINES SURArestado an sarong lalakeng nadakupan nin dai lisensyadong badil na kargada nin mga bala sa sarong videoke bar sa banwaan na ini.

Tinambac, Camarines Sur
Tinambac, Camarines Sur
Segun sa awtoridad, poco mas o menos 10:10nin aga kan sarong aldaw kan dakopon kan mga elemento kan Tinambac Police si Nilo Agao y Broqueza, 25, asin residente kan Brgy. Salvacion Poblacion.

An pag-aresto nangyari sa laog kan sarong videoke bar sa mismong barangay kun sain nakaistar an suspechado. 

Sabi kan pulis, sarong calibre .38 na TM Smith & Wesson revolver na may Serial No. 49122 na kargada suboot nin apat na bala an saindang nakua sa suspechado.

Mayong naipaheling na papeles an akusado na makakapatunay na registrado an nasabing badil.  

Huli sa pagdara kan akusado nin kargadang badil na dai registrado, formalmente na ining pigsagangatan nin kaso sa pagbalgar kan Sec. 28, paragraphs (a) asin (e) kan R.A. 10591 o an Comprehensive Firearms and Ammunition Regulation Act. 

An kaso contra saiya dadangogon sa RTC Branch 63 kan Calabanga, Camarines Sur.

Siento ochenta mil pesos (P180,000) na fianza para sa temporaryong libertad kan akusado an pigrecomenda kan prosecutor. 

Share:

Featured Post

Quack dentist arrested in Naga City

Photo courtesy of Dr. Albeus NAGA CITY (Bicol Standard) – A person believed to be a quack dentist was arrested by authorities as he was...