Friday, February 28, 2014

Hade asin reyna nin droga sa Tinambac, arestado

TINAMBAC, CAMARINES SURTimbog sa operasyon kan mga awtoridad an suspechadong parapabakal nin droga sa banwaan na ini.

Tinambac, Camarines Sur
Sa report kan pulis, sinabi na nadakop sa saindang opesyon an mag-agom na sinda Noel G. Balasta asin an saiyang esposa na si Jocelyn P. Balasta.

Sa paagui kan search warrant na ipinaluwas ni Hon. Pedro M. Redona kan Branch 63 kan Regional Trial Court sa Calabanga, nakua sainda an 15 na pakete kan pigtutobodan na “shabu.”

An ipinagbabawal na droga napag-araman na itinago sa bra ni Jocelyn kan magrekisa an mga awtoridad.

An search sa saiyang lawas ginibo kan sarong babae na police officer na malinaw na naheling kan publiko asin mga pagiriba.

Nag hahanda na ngonian nin caso sa paglapas sa RA 9165 (Comprehensive Dangerous Drugs Act) an mgas awtoridad.

Mientrastanto, magigirodoman na grabe si pahimutik kan local na mga opisyales sa banwaan na ini kan bareta na lakop digdi an suppy kan shabu.

An mga awtoridad nagsabi na ini iyo an enot nindang pagsakyada mapadapit sa pina-isog na kampanya contra sa droga.

An Tinambac, susug sa intelligence report, iyo an ikaduwa sa mga banwaan sa Camarines Sur na may dakulang supply nin droga asin may halabang listahan nin mga paragamit kaini.

Nag luluwas man sa mga bareta na may mga persona na harane sa mga oficiales kan gobierno local na imbuelto sa nasambit na problema.

Related News:
Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...