Saturday, February 22, 2014

Tolong lalaking nag-ikit nin duwang buro nin batag, sinampaling nin kaso

MANAGUA, NICARAGUA - Dae naghona an tolong lalaki an pag-ikit ninda nin duwa sanang buro nin batag maresulta sa pagka-dara-dakulang kulog payo.

Bananas
Source
Sa nasyon na ini sa Africa, an tolong suspechado sa panhahabon sinangatan na nin kaso, asin an hearing mapoon na sa Abril 23.

An kantidad kan duwang batag nasa 32 US cents o P14.25 pesos kun sa kwarta kan Pilipinas.

Alagad an gastos sa pagdangog kan kaso sinasabing pwedeng mag-abot sa $600 US dollars o 26,724 pesos, giraray kun sa kwarta kan Pilipinas.

Segun sa inisyal na imbestigasyon, an tolong suspechado nagprobar na mag-ikit kan duwang batag sa sarong paratienda kan Disyembre.

Sinda nagprobar magdulag, alagad nadakop man sana.

An duwa linangob na sa carcel, mantang an saro, ipinasairarom sa house arrest.


An abogado na si Ivan Morales, mantang dai man konektado sa kaso, nagpahayag sa media kasoodma na nin huli sa sitwasyon, grabe nang kasusupgan an naguno kan saindang nasyon, sa pagpara-tao kaini nin atensyon sa kasasadit man sanang bagay. (via Newser)

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

478 passengers stranded in Bicol ports due to 'Samuel'

PNA file photo LEGAZPI CITY -- The Philippine Coast Guard (PCG) in Bicol on Monday canceled the trips of sea vessels, grounding 478 pa...