Tuesday, February 25, 2014

Mag-agom, sinaksak asin sinulo an harong

SAN VICENTE, CNORTE—An mag-agom na may sadire nin poultry sa banwaan na ini an nakuang gadan, na may nagkapirang tama nin saksak sa saindang hawak, pagkatapos na haros matuprod nin kalayo an saindang harong sa banwaan na ini.

San Vicente, Camarines Norte
Sa report kan mga imbestigador, sinabi ni PO2 Marivic Rivera, an parataram kan Municipal Police station digdi, na an mag-agom namidbid na iyo sinda Romeo Liwag, 59, asin Raquel, 57.

Sinda nakuang gadan sa saindang harong sa barangay Calabagas, poco mas o menos 6:58 nin bangui.

An mag-agom pareho igwa nin tama nin saksak sa saindang payo asin sa tagiliran, sabi ni Rivera.

Ipinahayag kan imbestigador na nakua si Raquel sa laog kan saindang dikit pang maabot na matuprod na harong, mantang si Romeo, nakadapa sa daga, poco mas o menos 50 metros an distancia sa saindang fishpond, na yaon sa laog kan saindang propiodad.

An mga nakaheling kan pangyayari nag-osip sa mga awtoridad na naheling ninda an duwang katabang sa harong, nagkapirang minutos antes na mag arab-adab an kalayo na marikas nagdadalagan parayo sa nasusulong harong.

Pigtutubodan kan mga imbestigador na an motibo kan pag gadan posibleng iyo an panhahabon sa mga victima. (With report from Francis Elevado/DWFB)
Share:

Featured Post

Red Cactus Resto Bar owner arrested in buy-bust

Red Cactus Bicol Standard file photo NAGA CITY (Bicol Standard) – A buy-bust operation in front of Red Cactus along Magsaysay Avenue,...