Friday, February 14, 2014

Tipdas, naglalakop sa Minalabac, CSur

BICOL STANDARD: Punong Barangay Marietta Abucar - Baliuag Viejo, Minalabac, Camarines Sur
Si Punong Barangay Marietta Abucar kan barangay Baliuag Viejo, Minalabac, Camarines Sur
(RETRATO: OSCAR ESMENDA/BICOL STANDARD)
MINALABAC, CAMARINES SUR – Nataranta an mga oficiales kan barangay Baliuag Viejo sa banwaan na ini, kan biglang mag bungkaras an informasyon na nagkakanayap an helang na tipdas sa sainda.

Si Punong Barangay Marietta Abucar, kasoodma, tulos nagsungko sa oficinal kan Municipal Health Office, na dali-dali man na nagdespachar nin medical team para asikasohon an problema.
Sabi ni Abucar, 10 an saindang nadiscubre na may tipdas kasoodma. An apat hale sa sitio Balatas, 4 hale sa sitio Bangad, asin duwa an hale sa barangay proper.

Si Dr. Renabeth Vera, nagbakuna sa mga kaakian, asin nagpahayag na an gabos dapat magpursigue na mapabakonahan an saindang mga aki, kun sinda dae pa nabakunahan kan enot na mga aldaw.
Ngonian na aga, an mga oficiales kan barangay na ini an ma-surod pa guiraray sa mga sitio kan barangay para mapaisi an gabos mapadapit sa naglalakop na helang.

An tipdas, sabi ni Dr. Vera kaipohan na maagapan, huli ta marikas ining makaolakit.  Pwede pa ining mahulog sa bronco pneumonia, na mas complicadong helang na pwedeng magresulta sa kagadanan, dinagdag pa sa bareta.

Bicol Standard on Twitter
Bicol Standard on Facebook
Bicol Standard on Youtube
Bicol Standard on Google+
Bicol Standard on Pinterest
Share:

Featured Post

14ng pasahero sa jeep na nahulog sa Tinambac, salbado na

TINAMBAC, CSur - Binasol ni Municipal Councilor Jonas Soltes an Department of Public Works and Highways (DPWH) sa saindang kapabayaan n...