Friday, February 21, 2014

3ng personas nakasalvar sa aksidente sa dagat

MERCEDES, CAMARINES NORTENakasalvar sa peligro nin kagadanan an tulong parasira sa banwaan na ini kan malubog an saindang linulonadan na sakayan sa dagat.

Mercedes, Camarines Norte
Source
Segun sa report ni P/Sr. Insp. Rogelyn Calandria, an marikas na pagresponde hale sa PNP Maritime, Coast Guard asin Bantay Dagat an nakatabang sa pagsalvar kan mga parasira.

An mga nakalunad sa barotong nalunod iyo sinda Nali Averia, 36 años, Jefrey Posadas, 26 años, asin Aem Averia, 9 años.

Sinda anas taga-barangay Bubuan, Siruma, Camarines Sur.

Mientrastanto, sinabi kan tulong nasapod na persona na hale sinda sa Mercedes para magsaod nin mga efectos.

Alagad, mantang nasa laod na papule, nakasabat sinda nin darakulang alon, na iyong nagpalitong kan saindang pinaglunadan na baroto.

An mga victima kan nasambit na aksidente nagpasalamat man sa mga awtoridad asin iba pang mga civilian na nagtarabang sainda. (With report from Francis Elevado/DWFB)

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Bicol employers reminded to give 13th month pay on time

LEGAZPI CITY - The Department of Labor and Employment (DOLE) RO V reminded employers to pay the 13th month pay of their workers on time a...