Monday, February 10, 2014

Lalaki, sinaksak an padrasto, kasaroan

Goa, Camarines Sur
Goa, Camarines Sur
Sarong construction worker an pinaghahanap ngonian kan mga pulis pagkatapos kaining saksakon an saiyang padrasto asin an saiyang kasaroan.

Nginaranan kan pulis an sospechado na si Albert Abner, residente kan Zone 5, Brgy. Matacla, Goa, Camarines Sur.

Segun sa police report, poco mas o menos alas 7 nin banggi kasuodma kan mangyari an insidente nin saraksakan.

Enot na sinaksak kan sospechado an saiyang padrasto na binisto sanang si Oscar, 54 anyos, may-agom.

Mantang ini nangyayari, sinaway si Abner kan saiyang kasaruan. Alagad, iyo naman ini an pigsaksak kan sospechado. An ikaduwang biktima binisto kan pulis na si Juvinille Jacob, 27 anyos.

An mga nasaksak dali-daling man na nadara sa Goa Municipal Infirmary Hospital. Piglipat sinda pakatapos sa Bicol Medical Center sa Ciudad nin Naga kun sain sinda nagpaparahay.

Marikas na nagresponder an pulis pakatapos maipaabot sainda an pangyayari. Pero, dai na ninda naabutan an suspek na tulos nagdulag pagkatapos kan saraksakan.

Bicol Standard on Twitter
Bicol Standard on Facebook
Bicol Standard on Youtube
Bicol Standard on Google+
Bicol Standard on Pinterest
Share:

Featured Post

Bicol employers reminded to give 13th month pay on time

LEGAZPI CITY - The Department of Labor and Employment (DOLE) RO V reminded employers to pay the 13th month pay of their workers on time a...