Monday, February 10, 2014

Lalaki, binadil gadan sa Magarao, Camarines Sur



Nanumpungan kan sarong lalaki an saiyang kagadanan kasuodma sa Magarao, Camarines Sur. 

Ini matapos siya pagbabadilon kan duwang dai pa konosidong sospechado sa Housing I, Brgy Sta Lucia.

Segun sa inisyal na imbestigasyon kan pulis, poco mas o menos 9:30 nin banggi kan bigla na sanang ratraton an nasabing biktima. Ini nagsapo nin makuring tama sa payo, kausa kan saiyang kagadanan. 

Matapos an insidente, tulos na nagpasiring sa magkasuway na direksyon an mga sospechado lunad an saindang motorsiklo.

Sarong hot pursuit operation na an piglanzar kan mga pulis Magarao tanganing madakop an mga ini.

An biktima, na dai pa man bistado kan pulis, may sulot na jacket na kolor abo, t-shirt na color orange may nakasurat na Oscar "OCA," maong short pants asin itom na sandals. 

Share:

Featured Post

PhilHealth enhances benefit for infants, aims for healthier babies

The Philippine Health Insurance Corporation (PhilHealth) recently expanded its coverage of essential health services for newborns to en...