Friday, February 7, 2014

Mabrownout sa Bicol — NGCP

Notice of power interruption in Bicol
NGCP Notice of power interruption in Bicol

Mayong kuryente sa fecha 14, aldaw kan mga puso o Valentine's Day.

Ini an sabi kan National Grid Corporation of the Philippines (NGCP).

Bilang aviso, sinabi ninda na magpoon alas 9 sagkod alas 5 nin hapon, mayo sinda nin supply nin electricidad sa sakop kan CASURECO II sa mga banwaan kan Calabanga asin Tinambac.

Itinaong rason iyo an paghirahay kan 10MVA sa Calabanga asin 5MVA sa Tinambac.

Sa siring na sitwasyon, mayo man nin kuryente sa bilog na maghapon an banwaan nin Siruma.

Mientrastanto, sa sakop na lugar kan CASURECO I, mayo nin kuryente poon alas 9 sagkod alas 5 nin hapon sa Pamplona, Libmanan, asin Sipocot.

Putol an servicio nin kuryente sainda sa fecha 13 ngonian na bulan.

Sabi kan NGCP, mahirahay sinda kan 10MVA sa Pamplona, 5MVA sa Libmanan, asin 5MVA sa Sipocot.

Afuera kan mga lugar na ini, mayo man nin kuryente sa sakop na lugar kan Sorsogon Electric Cooperative (SORECO) I asin II sa fecha 11, poon alas 8:30 hasta alas 5 nin hapon.

Sa CASURECO III, mawawaran man nin kuryente alas 8:30 hasta alas 8:45 nin aga. Halipot sanang panahon an maputol an servicio digdi huli sa paghirahay kan 15MVA sa ciudad nin Iriga.

Sa sakop na lugar kan ALECO, sinabi kan NGCP, na mayo nin kuryente poon alas 8 nin aga hasta alas 5 nin hapon.

An rason iyo an paghirahay kan 15MVA sa Washington asin 30MVA sa Bitano.
Mayormente, nagpahayag an NGCP na an power interruption resulta kan pagribay, paglinig, kan contaminadong insulators asin iba pang raot na mga hardware sa saindang linya.

Afuera kaini, an pagputol kan servicio nin kuryente huli pa sa taonan na preventing maintenance kan saindang mga transformer, associated equipment, protection asin iba pang devices, patin an paghirahay kan saindang mga substation.

An paising ini, naggikan sa NGCP South Luzon Operations and Maintenance District 3.

Segun sa pahayag ni Luis Wong, an pamayo kan District 3 office, ano man na oras na matapos an saindang pagtrabaho, ibabalik an supply kan kuryente na mayo na nin paisi o noticia hale sa saindang oficina.
NGCP Notice of power interruption - Bicol
NGCP Notice of power interruption - Bicol

Share:

Featured Post

478 passengers stranded in Bicol ports due to 'Samuel'

PNA file photo LEGAZPI CITY -- The Philippine Coast Guard (PCG) in Bicol on Monday canceled the trips of sea vessels, grounding 478 pa...