Thursday, February 6, 2014

Tupada sa San Fernando sinakyada kan pulis

Tupada
Source

SAN FERNANDO, CAMARINES SUR– Maigot na ngonian na ipinapasunod kan mga miembros kan Philippine National Police sa banwaan na ini an Cockfighting Decree (PD 449).

Ini bilang kasimbagan sa makusog na pangapodan sa mga awtoridad na halawig nang panahon nagpasipara sana sa pagpautob kan nasambit na ley. Huli kan pagpabaya kan mga awtoridad, nagresulta sa pagkuriyat kan ilegal na burolang sa haros gabos na barangay digdi.

Maroromdoman na mismong si P/Supt. Ramiro Bausa, an pamayo kan pulis sa provincia nin Camarines sur, an pira nang semanng tinutuyaw sa media, huli sa pag-uso kan oro-aldaw na tupada.

Sa raid na ginibo kan mga pulis sa pamamayo ni SPO1 Hernando B. Ereneo, asin sa supervision ni P/Senior Inspector Victor E. Azuela, an officer in charge digdi, nagkadarakop sa ilegal na burolang iyo sinda Romualdo Modino y Aborde, 74 anos, asin si Andrew Batolinao y Celedonio, 27 anos.

Sinda anas residente kan Brgy Planza.

An iba pang nadakop iyo sinda Joseph Aurellano y Sornillo, Elmer Olaguer y Bituin, na pareho taga Brgy Alianza; asin si Helario Portuguez y Nava, 62 años an edad na taga Brgy Pamukid.

An mga personang nasambit naripol kan mga awtoridad sa tupadahan sa may boundary kan Barangay Alianza asin San Isidro, Pamplona.

Bilang evidencia, naconfiscar kan mga awtoridad an solamente sarong pambulang.

An ibang mga nasa tupadahan nagdurulag.

Nag tabang man sa ginibong raid an mga miembros kan Pamplona Municipal Police Station, sa pamayo ni P/Senior Inspector Samuel Alforte.
Share:

Featured Post

Quack dentist arrested in Naga City

Photo courtesy of Dr. Albeus NAGA CITY (Bicol Standard) – A person believed to be a quack dentist was arrested by authorities as he was...