Thursday, February 20, 2014

Snatcher, rinangot an talinga kan victima

NAGA CITY—Kaipohan na tudokan nin bulong para sa tetanus an sarong lalaki na rinangot an talinga kan may magprobar na mag-agaw kan saiyang de-palitong cellphone, sa centro, digdi.

Talinga kan victima, rinangot kan snatcher
(ILLUSTRATION: BICOL STANDARD)
“Naki-agawan ako sa snatcher,” sabi ni Jose, bakong tunay na pangaran, na saro sa victima kan kinadena nang caso kan inaapod na “riding in tandem”, na nangangalasag sa paghabon.

Sa estorya ni Jose, yaon siya sa centro kan pirit na rabnoton an saiyang cellphone. Sa kaangotan saiya kan dae maagaw kan snagtcher an celphone, an snatcher, triningkahan siya.

Naglitong-litong sinda sa daga, mantang nag aaragawan, kan baratohon sana man ngani na gadget, na dae na ngani mababakal sa kantidad na P300.00.

Labing kabangang parte kan talinga kan victima an na-rangot.

Mayo kuta siyang planong magpaheling sa doctor, sa paghuna na madali sanang mag kupos an nagkakarakamatis na color kan saiyang talinga.

Alagad, pinag avisohan siya kan saiyang tugang na dapat magpaheling sa doctor, ta baad igwang rabies an parakagat.

Sabi ni Jose, nagtadom sa saiyang talinga an ngipon kan suspchado huli ta sungal an ngipon kaini.

Marhay ngani suboot ta bako man matarom an enotan na tulong ngipon kan nguso, kaya dae nautas an talinga niya.

Mientrastanto, nag tutubod si Jose, maski na siring, nag iisip siya ngonian na maghagad nin ayuda o tabang sa mga nanunungdan para makatipon nin cuarta para sa plastic surgery.

Kun dae, naheling niya sa salming an saiyang sadire makanoson na an saiyang talinga, ta kuping na.

An saiyang kahaditan, ta an saiyang paboritong pag-selfie, dai na mangyayari kun dai na mahirahay an talinga.

Sa entrevista, sinabi ni Jose na an pinaghihinayangan niya sa cellphone, bako an valor kaini, kundi an number kan saiyang textmate.

Maski makulog an boot, napangirit siya kan maromdoman na an ginibo saiya kan snatcher, iyo an ginibo kan boxeador na si Mike Tyson sa saiyang nakalaban na si Evander Holyfield.

An victima taga Abella, sa Ciudad na ini.

An snatcher hinahanap na kan mga awtoridad.

BASAHON:
Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...