Friday, February 14, 2014

CBSUA President, pipilion sa ikaduwang semana kan Marso

Dr. Joel Batanes, Dr. Georgina Junsay- Bordado, Dr. Wenifredo Onate
 Dr. Joel Batanes, Dr. Georgina Junsay- Bordado, Dr. Wenifredo Onate
Pwedeng sa ikaduwang semana pa kan bulan na Marso matiripon an mga miembros kan Board of Regents kan Central Bicol State University of Agriculture (CBSUA), tanganing magpili kan masunod na mamamayo kan Universidad.

Ini an nakuang bareta hale sa masasarigan na informante, kan hapoton kasoodmang hapon kan BICOL STANDARD.

An sabi sa report, na-atraso an pagtiripon kan Board of Regents, huli ta naghalat pa sinda kan desisyon kan Regional Trial Court na nagbista sa petisyon ni Leda Simando –San Luis.

Si San Luis, saro sa mga nagpahayag nin intensyon na mag-ayon sa listahan kan mga pagpipilian kan bagong president.

Kan dae makabali an saiyang ngaran sa nasambit na listahan, pigkwestyon niya ini sa jusgado.

Alagad, dae siya napili kan mga miembros kan selection committee.

Mientrastanto, an CBSUA padagos ngonian na pinapamayohan ni Dr. Ramon Arimado, an OIC President.

An mga aspirante iyo sinda Dr. Joel Batanes, Dr. Georgina Junsay- Bordado asin Dr. Wenifredo Onate, na anas man alumni kan nasambit na eskwelahan.
Bicol Standard on Twitter
Bicol Standard on Facebook
Bicol Standard on Youtube
Bicol Standard on Google+
Bicol Standard on Pinterest
Share:

Featured Post

Mayor Bongat clarifies Emergency Shelter Assistance status in Naga City

NAGA CITY (Bicol Standard) – Hounded by incessant follow-ups on the release of the Emergency Shelter Assistance (ESA) for victims of 20...