Tuesday, February 25, 2014

11 na bloke nin pigsususpecharan na marijuana, kumpiskado

Source

SAN FERNANDO, CSUR--Sa paagi kan sarong buy-bust operation, napasakamot kan San Fernando Police an sarong pigsususpecharan na tulak nin droga sa nasabing banwaan.

An suspechado binisto na si  Arnel Coros y Guerrero aka “Goyo,” 30 yrs old.

Sa pangengenot ni Police Senior Inspector Victor E. Azuela, ginibo an buy-bust operation kasoodma, poco mas o menos, 3:00 nin hapon sa  Zone 2, Brgy Beberon, sa banwaang ini.

Nakumpiskar sa biktima an onseng pedazong mga bloke nin pighuhunang marijuana asin marked money.

An mga kompiskadong bloke pinadara naman kan pulisya sa laboratoryo tanganing maconfirmar kun marijuana mananggad an mga ini.

Sarong kaso sa pagbalgar kan Comprehensive Dangerous Drugs Act (R.A. 9165) an nakatalaang atubangon ni Coros oras na magpositibo sa confirmatory test an mga nakumpsikar saiya. 

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Catandunagnon student's short film among MMFF2018 entries

MANILA (Bicol Standard) -- A short film by a student from Catanduanes State University was selected as one of the eight official entr...