Friday, February 7, 2014

85% kan supply kan droga sa Camaligan hale sa Naga

Camaligan, Camarines Sur
Camaligan, Camarines Sur
CAMALIGAN, CSUR— Carculadong 85% kan supply kan droga na ibinabariwas  sa banwaan na ini an hale Ciudad nin Naga.

Ini an isinaysay kan sarong miembro kan “intelligence division” kan pulis sa banwaan na ini, kan sarong aldaw.

An nasambit na report, pigconfirmar ni Police Chief Inspector Charles de Leon, an hefe kan pulis digdi.
Nagluluwas sa report na an banwaan kan Camaligan kabale sa 10ng mga lugar sa Camarines Sur na makusog an pagkuriyat kan ipinapangalad na bulong.

“Sa samuyang pagimbestigar, nagluluwas na an supply kan drugs hale sa Naga,” sabi niya sa media, kan hagadan nin paliwanag.

Mientrastanto, huli sa nagluwas na bareta sa paglangkaba kan droga digdi, orog na pinakusog kan mga awtoridad an saindang kampanya, sa obhetong makadakop nin mga nagbabariwas asin nag-uusar kaini.
Saro ining kasimbagan sa kasugoan kan oficina regional kan pulis, na pigmamandahan an gabos na hefe kan pulis na magkaigwa nin report na makadakop nin saro na pusher o user nin droga asin nagsasaray nin badil na mayong licensiya.
Share:

Featured Post

Legazpi to build housing units for city's poorest families

Rosal By Emmanuel Solis LEGAZPI CITY -- Local officials here are fine-tuning all documents for the construction of a housing project ...