Friday, February 28, 2014

2, timbog sa bagong buy-bust operation sa Camaligan kasubagong odto

CAMALIGAN, CAMARINES SURDuwang lalaki an dinakop kasubagong alas 12 nin odto sa buy-bust operation kan PNP sa barangay Dogcal sa banwaan na ini.

Drug buy-bust operation sa Camaligan, Camarines Sur
PHOTO: OSCAR ESMENDA/BICOL STANDARD
An mga suspek binistong sinda Ramil Quidip y Hebreo, 30, taga-Balatas, Naga City asin Greco Daklan y Ocquias, 43, residente kan Fundado, Magarao.

Nakua sa sainda an P300 na marked money, sarong sadit na sachet na may laog nin kemikal na pinagsususpecharan na shabu, asin sarong dakulang sachet na igwa man kan nasambit na kemikal.

An buy-bust operation pinangenotan ni Police Senior Inspector Charles de Leon, an Chief of Police kan nasambit na banwaan, kaibanan si SPO1 Henry Carmona.
PHOTOS: Camaligan buy-bust operation
Nagserbing testigo man sinda Arnel Abrejo, na nagrepresentar kan DOJ, asin barangay kagawad Raul Querubin.

Sa oras na sinusurat an baretang ini, an PNP Camaligan nagpepreparar na sangatan an mga suspechado nin reklamo sa pagbalgar kan Section 5, Article 2 kan Comprehensive Dangerous Drugs Act of 2002. An section na ini manungod sa "Sale, Trading, Administration, Dispensation, Delivery, Distribution and Transportation of Dangerous Drugs and/or Controlled Precursors and Essential Chemicals." (With report from Oscar Esmenda)

Related news:
Camaligan drug den busted
85% kan supply kan droga sa Camaligan hale sa Naga

Bicol Standard on Twitter
Bicol Standard on Facebook
Bicol Standard on Youtube
Bicol Standard on Instagram
Bicol Standard on Google+
Bicol Standard on Pinterest
Share:

Featured Post

Catandunagnon student's short film among MMFF2018 entries

MANILA (Bicol Standard) -- A short film by a student from Catanduanes State University was selected as one of the eight official entr...