Thursday, February 13, 2014

Kotseng iwinalat sa Calabanga, kinarnap; may sadire ginadan

BICOL STANDARD: Kotse na nakua sa Calabanga, Camarines Sur
Kotse na nakua sa Calabanga, Camarines Sur
(RETRATO: OSCAR ESMENDA/BICOL STANDARD)
CALABANGA, CSUR — Nasusug na kan mga imbestigador an estorya mapadapit sa inabandonar na pulang kotse sa barangay Camuning, sa banwaan na ini.

An mga awtoridad kan fecha 7 ngonian na bulan  nagkaorokag kan magbungkaras an bareta na an na sarong bago pang Toyota vios an inabandonar sa sarong pwerang lugar, na an parte kan hawak nakalubong asin may parteng nasulo o sinulo na.

Sa suspechang ini hinabonan, kun bakong ginamit sa krimen, an mga miembros kan pulisiya sa banwaan na ini an nag eskosar na isihon an pasikot-sikot nang estorya, kun pano nakaabot sa nasambit na lugar an vehiculo.

Pinamayohan ni PCI Venerando Flor Ramirez, an assistant chief of police digdi an pag siyasat sa Land Transportation Office  sa Ciudad kan Naga.

Digdi naaraman na an kotse rehistradong pagsasadire nin sarong nagngangaran Dante Santiago y Palomo,  sarong Filipino-Canadian, na residente kan Bgy Salacor, San Miguel Bulacan.

Mientrastanto, an Provincial Crime Laboratory Office na pinapamayohan ni P/Supt Ariel Ayusin nakipagcoordinar sa PNP Highway Patrol Group asin naaraman na mayo sindang record kan kamugtakan kan nasambit na awto.

Katuwang an mga pulis sa banwaan na ini, si P/Chief Insp Venerando Floro Ramirez, an hefe kan pulis, nag sabi na nakipag coordinar man sinda sa San Miguel Police Station asin sa Bulacan Provincial Police Office.

Digdi naaraman na kan fecha 26 kan Mayo, 2013, an nasambit na vehiculo inagaw sa may sadire kaini na si Dante Santiago.

Sinabi P/Supt Fitz Adolfo Macariola na poco mas o menos alas 10:00 nin bangui, igwang nangyaring Carnapping with Frustrated Homicide sa atubangan kan SMB Grill, sa National Highway sa Bgy Camias, Bulacan.

An nawawarang awto, iyo an pig lunadan ni Dante Santiago, na kan panahon na nasambit , kaibahan an sarong babae, nag parada sa atubangan kan SMB Grill. Nag luluwas sa mga evidencia mantang nakaparking an vehiculo sa nasambit na lugar, an saiyang kaibahan nag luwas sa awto, na garong gayo igwa sanang babakalon.

An saiyang kaibahan na si Santiago, nakatukaw sa driver’s seat kan bigla na sanang magabot an dae midbid na tawo, na pirit na sinadol si Santiago na padalaganon an vehiculo pasiring sa sa highway.

Nakua sa pulis report na an kotse pinaderecho sa Bgy San Agustin, San Miguel, Bulacan. Digdi inapon an may tama nin saksak na hawak ni Dante Santiago.

Linalay na kan mga suspechado an Toyota Vios, asin iyo na sana ito an ultimong informasyon, mapadapit sa vehiculo.

Mientrastanto, an may lugad na lawas ni Dante Santiago dinara sa Emmanuel Hospital sa Bgy San Jose. Huli kan grabe an tama, an pasyente idinalagan guiraray sa Doctor’s Hospital sa Nueva Ecija.

Pero, huli ta makuri an saiyang tama sa tagiliran, dinara man guiraray siya sa St. Luke’s Hospital sa Taguig City, na pakalihis nin walong (8) aldaw, binawian nin buhay.

An mga miembros kan local na pulis sa banwaan na ini, nag sisidsid pa kan ibang mga informasyon, kun tano ta nakaabot sa Bgy Camuning an vehiculo.

Igwa nin mga enot na report na sarong elihidong consejal sa barangay na ini an naheling na nag gamit kan vehiculo.

Itinukdo an persona ni Kgd   Carinan kan Camuning na iyong nag dara kan mysteriosong kotse sa barangay na ini.

Sa pakikihumapot kan BICOL STANDARD asin kan DWLV sa nasambit na barangay, naaraman na haloy nang mayong dae nahehehling an nasambit na persona sa saindang barangay, antes pang magbungkaras an baretang ini.

BICOL STANDARD: Kotse na nakua sa Calabanga, Camarines Sur
Kotse na nakua sa Calabanga, Camarines Sur
(RETRATO: OSCAR ESMENDA/BICOL STANDARD)

BICOL STANDARD: Kotse na nakua sa Calabanga, Camarines Sur
Kotse na nakua sa Calabanga, Camarines Sur
(RETRATO: OSCAR ESMENDA/BICOL STANDARD)

BICOL STANDARD: Kotse na nakua sa Calabanga, Camarines Sur
Kotse na nakua sa Calabanga, Camarines Sur
(RETRATO: OSCAR ESMENDA/BICOL STANDARD)



Bicol Standard on Twitter
Bicol Standard on Facebook
Bicol Standard on Youtube
Bicol Standard on Google+
Bicol Standard on Pinterest
Share:

Featured Post

PHOTO | Anti-Duterte, Marcos protest march in Naga City

Around 60 anti-Duterte rallysists marched in Naga City on the anniversary of the declaration of Martial Law (September 21) to show the...