Monday, February 17, 2014

Cabral Bicolandia Supermart, sinalakat kan Imburnal Gang

Ini an labot o luho na pinagtutubudan na ginibo kan mga miembros kan Imburnal Gang
(RETRATO: OSCAR ESMENDA/BICOL STANDARD)
CIUDAD NIN NAGANag-iimbestigar an mga autoridad sa bagong modus operandi kan mga parahabon sa ciudad na ini.

"Imburnal Gang" an apod kan mga miembros kan pulis na nagsisiyasat kan krimen sa grupo na piglaog an dakulang grocery store na Cabral Bicolandia Supermart sa centro mismo kan ciudad subagong maagahon.

Sa enot na informasyon na pinaabot sa BICOL STANDARD, nagtutubod an pulis na pirang aldaw ini pigplano.

BASAHON: Isla Sison drug raid detainees named

Igwa man nin posibilidad na may taga-laog sa Cabral Bicolandia Supermart na nagtataong informasyon asin kasapakat kan mga kriminal.

Nagluluwas na an mga parahabon nag-agi sa dakulang imburnal, na nasusug na nag-agi man sa irarom kan nasambit nang edificio, asin nagbutwa sa laog na kan grocery store sa paagi nin pagtiktik kan semento sa salog.

Dinugang pa sa report na maski na ngani mahibog man an paril sa salog, ginamitan nin barina asin sensil sa pagtupag kan paril.

Segun sa informasyon, kan makalaog an mga parahabon, enot na nagprobar na rangkahon an caja de hierro. Pero, dai kinaya nin huli ta dai ninda aram an kombinasyon, asin posog an sarayan nin kwarta.

Tanganing dai masayang an saindang esfuerzos, namili sana nin mga mahal na klaseng arak an mga nagsalakat.

Dai ninda pinag-interesan an Fundador, Emperador, asin mga bararatong inomon.

Karkuladong 50 sagkod 100 mil pesos an valor kan nakua.

Sagkod sa oras na sinusurat an baretang ini, nagpapadagos an pagsiyasat kan mga autoridad. (Report ni Oscar Esmenda)

Cabral Bicolandia Supermart, sinalakat kan Imburnal Gang
(RETRATO: OSCAR ESMENDA/BICOL STANDARD)

Cabral Bicolandia Supermart, sinalakat kan Imburnal Gang
(RETRATO: OSCAR ESMENDA/BICOL STANDARD)

Cabral Bicolandia Supermart, sinalakat kan Imburnal Gang
(RETRATO: OSCAR ESMENDA/BICOL STANDARD)

Cabral Bicolandia Supermart, sinalakat kan Imburnal Gang
(RETRATO: OSCAR ESMENDA/BICOL STANDARD)
Share:

Featured Post

Alfelor vs. Alfelor

IRIGA CITY — “Panahon ta na ini.” (This is our time.) This was the first statement issued by Emmanuel "Nonokoy" Alfelor, Jr. ...