Thursday, February 6, 2014

Bishop Emeritus Prospero Arellano, ilulubong sa Febrero 10

Bishop Emeritus Prospero Arellano
Bishop Emeritus Prospero Arellano
Gabos na obispo sa anom na diocesis kan Bicol an ma-concelebrar nin misa antes kan lubong ki Most Reverend Prospero Arellano, Bishop Emeritus, sa Libmanan Cathedral sa maabot na Lunes.

Segun ki Jose Arellano, tugang, an bangkay idadakit na hali sa saindang residencia sa San Roque, Bombon, Camarines Sur pasiring Libmanan 7:30 nin aga saagang Viernes, Febrero 7.

An masabat sa Libmnanan kan prosesyon haleng Bombon iyo si Bishop Arturo Bastes kan Sorsogon como representante kan CBCP.

Ngonian an bangkay napapatintihan na sa Arellano residence.

DON'T MISS: Diocese of Libmanan Bishop Emeritus Prospero Arellano passes away

Pirming gulping kapadian asin mga madre an nagbibilar. Igwa man nin mga tao hale sa manibaibang lugar an nagdadalaw.

77 anyos kan magadan si Bishop Emeritus Arellano. Siya dating rector kan Holy Rosary Seminary, asin an iyo an enot na obispo kan Libmanan diocese poon kan 1990 sagkod 2007 kan siya magkahelang.

Sinanglian siya kan saiya man sanang estudyante na si Msgr. Jose Rojas.

An funeral mass alas 9 sa Lunes, Febrero 10. Sunod tulod an intiero sa laog mismo kan Libmanan Cathedral (EGV).
Share:

Featured Post

Catandunagnon student's short film among MMFF2018 entries

MANILA (Bicol Standard) -- A short film by a student from Catanduanes State University was selected as one of the eight official entr...