Friday, February 7, 2014

Aram daw nindo: An abogado ninda Deniece Cornejo asin Cedric Lee sarong Bicolano?

Atty. Howard Calleja asin Deniece Cornejo
Atty. Howard Calleja asin Deniece Cornejo
Photo: Interaksyon
Aram daw nindo na an abogado ninda Deniece Cornejo asin Cedric Lee sarong Bicolano?

Si Atty. Howard Calleja, na saro sa mga pinaka-respetadong abogado ngonian sa enterong nasyon, gikan sa provincia nin Albay.

Nagtapos siya kan saiyang Bachelor's Degree sa University of Sto. Tomas, asin nag-adal nin abogasiya sa Ateneo de Manila School of Law.

Igwa man siya nin sertipiko sa International Law hale sa Hague Academy of International Law, Netherlands, asin Masters degree sa International Law sa Duke University, Durham, North Carolina, Estados Unidos.

Afuera digdi, si Atty. Calleja sarong bistadong propesor nin ley sa Ateneo de Manila University School of Law, Far Eastern University Institute of Law asin Pamantasan ng Lungsod ng Maynila College of Law.

An kaso ni Deniece Cornejo asin Cedric Lee bako an primerong dakula asin kontrobersyal na kaso na kinaputan ni Atty. Calleja. Maroromdoman na siya man an abogado ni Zaldy Ampatuan.
Share:

Featured Post

Bicol employers reminded to give 13th month pay on time

LEGAZPI CITY - The Department of Labor and Employment (DOLE) RO V reminded employers to pay the 13th month pay of their workers on time a...